ప్రభుత్వం అందించే సంక్షేమ పథకాలు, రోడ్ల మరమ్మతులు, వీధి దీపాలు, విద్యుత్ సమస్యలు, ప్రకృతి వైపరీత్యాలు, ఇతర మౌలికసదుపాయాల సమస్యల పరిష్కారానికి వివిధ ప్రభుత్వ విభాగాలతో ప్రజలను అనుసంధానం చేయడమే లక్ష్యంగా ప్రజాబంధు కోఆర్డినేటర్ వ్యవస్థ పనిచేస్తుంది. ప్రజలు యాప్ ద్వారా వారి సమస్యను వివరించిన తర్వాత నిర్ణీత సమయంలో పరిష్కరించాలి. అందుకోసం కోఆర్డినేటర్‌లు నిరంతరం కృషి చేస్తారు. ఈ విషయంలో స్థానిక ఉద్యోగులు విఫలమైతే ఉన్నతాధికారులు స్పందించి పరిష్కరిస్తారు. సమస్య పరిష్కారంలో సుదీర్ఘ ఆలస్యం జరిగితే స్థానిక ఎమ్మెల్యే సంబంధిత శాఖ అధికారులతో మాట్లాడి సమస్య పరిష్కారానికి చర్యలు తీసుకుంటారు.

సమస్య పరిష్కారమయ్యే వరకు వివిధ స్థాయిల్లో ఫిర్యాదు స్థితిని ప్రజాబంధు టీం సభ్యులు  పర్యవేక్షిస్తారు. ఫిర్యాదులను యాప్‌లో నమోదు చేయడంలోనూ ప్రజాబంధు కోఆర్డినేటర్ వ్యవస్థ ప్రజలకు సహాయపడుతుంది. 

ముఖ్యంగా గ్రామీణ, సెమీ అర్బన్ ప్రాంతాల ప్రజలు వారి సమస్యల పరిష్కారం కోసం మండల, జిల్లా స్థాయి ప్రభుత్వ కార్యాలయాలకు వెళ్లాలంటే చాలా సమయం వృథా అవుతుంది. సంబంధిత అధికారి అందుబాటులో లేకపోతే పని పూర్తి అవ్వడం కోసం మళ్లీ మళ్లీ వెళ్లాల్సి వస్తుంది. ఈ సమస్యకు పరిష్కారం  చూపేందుకే ప్రజాబంధు మొబైల్ యాప్ అందుబాటులోకి తీసుకువచ్చాము.  సమస్య ఎదైనా సరే ఈ యాప్ ద్వారా ఇంట్లో నుంచే అధికారుల దృష్టికి తీసుకెళ్లి వీలైనంత త్వరగా పరిష్కారం పొందే గొప్ప అవకాశం ప్రజలకు కల్పిస్తున్నాం.